اطباق وحلويات جزائرية

إضغط هنا لرؤية الصورة بحجمها الطبيعي.

قطايف

جيبي القطايف تاعك و حليهم ملييح بيديك باش ما يقعدوش هدوك الكتل
ديري شرييط و حطي الحشوة تاعك مخلطة بالما زهر و سكر و قرفة انا نزيد حلوة الترك تعطيلهم بنة هايلة و لويي الشرييط ملييح على الحشو مالازمش يبان و حطوهم في لي مول تاعهم عبزي عليهم ملييح باش يجو متساويين اومباعد دوبي السمن و ديريه فوقهم ( مغرف والا زوج كبار) و طيبيهم كي يخرجو سقيهم بالعشل مخفف بالما زهر

اما ادا حبيتي تديري االمودال لوخر على بابيي ايمينيوم ستفي القطايف تاعك و رشيهم ملييح بالسمن دايب و حطي الحشو و رولييه ملييح بالبابيي اليمينيوم و اغلقيه على الاطراف باش يجي مزير و يجيك الشكل شباااب

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

والا الشكل هدا اللخر احكي اشرطة و ديري فيهم الحشو و روليهم و حطيهم فالمول قدام بعض و اسقيهم بالسمن

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

خبيزات المرقاز

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

العجينة هذه راهي من اروع ما يكون تديري بيها كلللش بيتزا خبز محشي بريوش كلللش و زيد ساااهل:
3 كيسان فرينة
مغرف كبيرة خميرة تاع خبز
نصف مغرف صغيرة خميرة تاع الحلوى
ملح
و سكر اذا درتي بريوش كثري السكر و نقصي الملح بيانسير
ربع كاس زيت
ربع كاس ياغورت طبيعي
انا اليوم دوبليت المقادير
خلطي النواشف مع بعض اومباعد زيدي الزيت و الياغورت و دخليهم مليييح و لمي بالما دافي تولي عندك عجينة تلصق اعجنييها مليييح حتى تولي طرية و ملساااء و خليها تخممممر

كي تخمر حلي العجينة تاعك و ديري اشكال تاع قلوب شوية كبار انا ماعنديش طابع كبير ايا خدمت قلب بورقة و قطعتهم بالموس
في وسط كل قلب ديري شوية صوص تكوني خدمتيها و زيتون مقطع و فرماج و حبة مرقاز حطيها فالنص و خلي الطرف خارج و اطوي القلب على نص سما يولو عندك انصاف قلوب
رصيهم في سنيوة مدهونة كيما شفتي يعني يكونو كامل في اتجاه واحد و فالنص ديري كرية باش تحكمهم
ادهنيها و طيبيهااا

ميني دونااتس بشكل كرواصون

500 فرينة
2 بيض
مغرف كبيرة خميرة تاع الخبز
60 غ زبدة دايبة
100 غ سكر
160 غ حليب دافي
رشة ملح . تازاست تاع نص حبة تشينة
في كاس حطي شوية حليب دافي مع الخميرة و رشة سكر و خليها تطلع
في بول حطي قاع المقادير السائلة و السكر و خلطي ملييح
زيدي الفرينة الخميرة الملح الزاست و خليهم يتعجنو 10 دقايق
خلي العجينة تخمر وحد الساعة اومباعد ااقسميها على تلاتة

إضغط هنا لرؤية الصورة بحجمها الطبيعي.

حليها على شكل مستطيل و قطعيها متلتات صغار يعني القاعدة تاعهم تكون قيس الاصبع الصغير وادا حبيتيهم كبار كبري المتلتات

إ

إضغط هنا لرؤية الصورة بحجمها الطبيعي.

حطي الشوكولا و لويهم كيما الكرواسون

إضغط هنا لرؤية الصورة بحجمها الطبيعي.

خليهم يزيدو يخمرو نص ساعة
اقليهم في زيت سخون كي يسخن نقصي للنار باش يطيبو من داخل
انا قليتهم فالفريتوز
درجة حرارة 180 درجة

خبزة تونس

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

كيلة بيض.
كيلة ناقصة شوي سكر
كيلة مارغرين دايبة و باردة حبيباتي جربو مارعرين ماني هااااااااااااايلة فيها بنة روعة
. كيلة نوادكوكو
. كيلة تاع لاشابلييز
زاست تاع القارص.
1 خميرة تاع الحلوى.
و لي سوغير كونيفيت. لوز ايفيلي
. و للشاربات 2 كيلات ماء مع كيلة سكر
. نطلع البيض مليح مع السكر اومباعد نزيدو المارغرين و نخلطو غير بالمغرف اومباعد نزيدو النوادكوكو و الشابلير و الزاست تاع القارص و الخميرة تاع الحلوة و نحطو الخليط فلي غامكان والا في سنيوة ما نعمروهمش بزاف بارسكو يخمرو و نحطو حبة سوغير فالنص و نشبحوها باللوز ايفيلي على الجناب و نطيبيها في فرن مسخن 10 دقايق من قبل 180درجة كي تحمار نسقوها شعال من مرة بالشاربات الباردة و بصحتكم


الخفاف

حطي الفرينة مع الملح و الخميرة تاع الخبز و لميه بالما و دبزييه بيديك وحد 4 دقايق ماشي بزاف الخليط يجي جاري بيانسيير

إضغط هنا لرؤية الصورة بحجمها الطبيعي.

خلييه يخمر و ساعة على ساعة ولي ليه ديقازيه
هنا مور ما خمر

إضغط هنا لرؤية الصورة بحجمها الطبيعي.

اومباعد قرصيه و بيانسير القرصات ديريهم كيما تحبي انا كي ما نعرفش نتحكم فيه نديرهم صغار هههه ماما تديرهم كبااار
وخليهم يريحو وحد 5 دقايق في هداك الوقت يكون الزيت يسخن

إضغط هنا لرؤية الصورة بحجمها الطبيعي.

تبداي تحلي الاولى انا ماما وراتلي كيفاه نحها فالهوا مي اللي ما تقدرش تتحكم فيه تحلو فوق طابلة نورمال المهم ترققيه فالوسط و تخلي الاطراف شوية خشان باش يجي شباب
كي تلوحي الحبة فالزيت السخون ما تلوحيش عليها الزيت حتى تدير الفقاعات هدوك تما ابداي لوحي الزيت و حمريها

إضغط هنا لرؤية الصورة بحجمها الطبيعي.

وهذه النتيجة يجي خفيييف و فارغ شوية من داخل

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

نوتيلا البيضاء

إضغط هنا لرؤية الصورة بحجمها الطبيعي.

النوتيلا سااااهلة ماااهلة في ميكسور ديري كاس زيت كاس حليب كاس لحظة و كاس سكر قلاصي وخلييييهم يتخلطووو حتى يتجانسو ملييييييح مليح وادا حبيتيها كحلة نحي اللحظة و ديري في بلاصتها كاكاو


عجينتي المفضلة

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

والعجينة هده اللي معتدتها من ارووووووع ما يكووون
3 كيسان فرينة
مغرف كبيرة خميرة تاع خبز
نصف مغرف صغيرة خميرة تاع الحلوى
ملح
و سكر اذا درتي بريوش كثري السكر و نقصي الملح بيانسير
ربع كاس زيت
ربع كاس ياغورت طبيعي
انا اليوم دوبليت المقادير
خلطي النواشف مع بعض اومباعد زيدي الزيت و الياغورت و دخليهم مليييح و لمي بالما دافي تولي عندك عجينة تلصق اعجنييها مليييح حتى تولي طرية و ملساااء و خليها تخممممر

تارتولات الفراولة

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

العجينة درت تاع الهاام تاع الزيت راني معتمدتها و الكريم موسليين ساهلة ديري كريم باتيسيير و تزيديلها الزبدة
انا درت 1/2 لتر حليب مع كاس و نص سكر و كاس مايزينة و حبة بيض و شوية فاني خلطي بارد في بارد حطيه فوق النار حتى تعقد اومباعد طفي و زيدي مغرف كبيرة زبدة و خليها تبرد ملييييييييح كي تبرد حطي 100 زبدة فالبيتران مع شوية من الكريم باتيسييير و خلطييي ملييييييييييييح حتى تولي الزبدة ما تبانش اومباد زيدي الكريم باتيسيير اللي بقات و الفاني و خلطي مليح ملييييييييح انا ما نديرش فاني ندير فلان فاني يعطيها بنة هاااااااااااااايلة

ليزيكلار

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

هده الوصفة اللي معتمدتها يجو منفخيييين و خفاااف ريشة في كسرونة حطي 250 ملل ماء مغ 100 غ زبدة و رشة ملح و حطيهم على النار حتى تدووب الزيدة اومباعد زيدي عليهم 140 غ فرينة و خلطييها حتى تنشف العجينة مليييح باش تعرفي بلي نشفت راح تتشكل كرة يعني تتلم ملييح
نحيه من على النار و حطيها في بول وحدوخر و زيديلها 3 والا 4 بيضات انا تقريبا دايما تديلي 3 بيضات كبار مي زيدي بالحبة بيض و خلطييي حتى تتلم باش تعرفي
حطي العجينة في poche a douille و ديري خطوط ما يكونوش خشان بزاف و ماشي رقاق و طيبيهم في فور سخون 200 درجة لوحدة 25 والا نص ساااااااعة و كيما تعرفو ما لااااااااازمش تحلو باب الفووووور حتى يطيبو سينون راح يهبطووووووو كي تشوفوهم تحمرو من فوق يعني وجدو و كي تخرجوهم نحوهم من السنيوة السخونة تان باش ما يهبطووش
و الحشو كيما تحبووو كريم باتيسيير كريم موسلين والا كريمة الزبدة انا دايما ندير كريم وسليين او شوكولا تجي بنيييينة و خفييييفة


وصفة الروايال

إضغط هنا لرؤية الصورة بحجمها الطبيعي.

روايال اسهل منها ماكاااش تسحقي سوبر كريم والا معجون و الا ديكوجال و جينوزا قطعيها مورسوات صغار و شاربااات و فاكية مشكلة مقطعة مورسوات صغار و كريم موسلين و كويم شونتي انا اليوم ما درتش كريم موسلين درت كريمة الزبدة اللي دارتها ام اماني في قاطو الاوريو بارسكو بزااااااااااااف بنينة اللي هي 250 مارغرين ضربيها مليييييييييح مع 300 غ سكر قلاصي و زيديلهم نص كاس ماء و نص كاس زيت و فاني انا زدتلها الاكستخي تاع البرالين يعطيها بنة هاااااااااااااااايلة و بيانسير درت كونتيتييي صغيييييير 50 غ زبدة برك و طلعت تان شوية شونتي و خلطتهم مع بعض جات بزاااااااف بنينة و خفييييييييييفة

الشباكية

تديري نص كيلو فرينة و كاس جلجلان محمر مليييييييييييييح و ترحيه وهو سخون انا زدت معاه شوية لوز محمص وكاس تعمري التلت تاعو زبدة و التلت زيت و التلت زيت زيتون و مغرف زريعة البسباس و مغرف حبة حلاوى محمصين و مرحيين و مغرف قرفة و تحكيهم ملييييييييح بيدك كيما نديرو للقريوش و تخليه يريح قدما يريح يشرب ليدام تاعو خييير اومباعد زيدي حبة بيض و شوية زعفران شعرة تدوبيه في مغرف خل وادا ماعندكش زعفران ديري شوييييية كولوغون و مغرف صغيرة خميرة تاع الحلوى و قرصة ملح و تلمي بالماء زهر دافي و تعجنيه ملييييييييييييييييييييح حتى تولي العجينة طرية اقسميها وخليها تريح
و الفصالة تاعو انا درت هدا زوج اشكاال
شوفي مع اللخر توري الفصالة تاعو كيفااه
ملاحظة
كي تبدا تحلي اطويهم كيما نديروللعجينة المورقة ديريها زوج خطرات
كملي العجينة قااع هكا

إضغط هنا لرؤية الصورة بحجمها الطبيعي.

اومباعد حليها فالماشينة على الرقم اللي تحبيه
انا حليتها على الرقم 2
درت هدا الشكل
]

إضغط هنا لرؤية الصورة بحجمها الطبيعي.

.

و هدا

إضغط هنا لرؤية الصورة بحجمها الطبيعي.

وهده النتيجة النهائية







القطيفة

إضغط هنا لرؤية الصورة بحجمها الطبيعي.

200 مارغرين طرية مع كاس سكر قلاصي و زوج صفار بيض و نص كاس زيت و كاس مايزينة و زوج مغارف نوادكوكو و زوج مغارف كاكاو وباكي خميرة تاع الحلوى و لمي بالفرينة و العجينة تكون طرييية ديريها الاشكال اللي تحبي و طيبيها كي تطيب و تبرد غطسيها في المعجون و تكوني حمصتي شوية نوادكوكو و كاس سكر قلاصي و شوية كاكاو وغلفي الحبة بيهم و شبحيهم كيما تحبي .


بيتزا







تحطي 300 غ فرينة و300غ سمييد
و ملح و زوج مغارف كبار خميرة و 200 ملل حليب تخلطيه مع 200 ملل ماء و تدفيهم شوية
و تخليها تعجن وحد 5 دقاايق
تولي عندك عجينة طرييييييية زيديلها 2 مغارف زيت زيتون و اعجنييها شوية حتى تتلم
و تخليها تخمر
اومباعد خليها على شوية سميد و ما تخشنيهاش بزاااف
و الصوص تومات
انا نقطع حبة بصل شلخات و 4 فصوص توم و 5 حبات والا كتر طوماطيش نقسمهم على زوج و نزيد الملح و مغرف سكر و توابل و عود قرقة و رند و زعيترة وزوج مغارف زيت و كاس ماء و نخليهم يطيبو نص ساعة اومباعد نحي القشور تاع الطوماطيش يتنحى بلخف و الوورقات تاع الرند و نمسكيهاااا تجي بنيييييييييييييييينة
وندهن بيها العجينة و نطيبها في فور سخوووووووووووووووووون اومباعد نحط فوقها واش نحب و الفرماج و نرجعها دقايق برك يدوب الفرمااج


الخبز العربي

إضغط هنا لرؤية الصورة بحجمها الطبيعي.

5 كيسان فرينة و 2 مغارف كبار خميرة و 2 مغارف صغار ملج و2 سكر و 2 كيسان ماء دافي و تعجنيها 10 دقايق تولي طريية مي ما تلسسقش وخليها تخمر ربع ساعةاومباعد ديريهم كوايرات و غطيهم بطرشونة مندية وخليهم يخمروو
كي يخمرو شعلي الفور من فوق و تحت ديريه قاااااااااااااوي وحطي السنيوة و خليها تسحن معاهوابداي تحلي فيهم رقاق
و كل ما تحطي وحدة حطي فوقها بابيي ديري غير 3 فوق بعض ما تكتريش كي تكملي لوحي الخبزة الاولى اللي خليتها
و خليها تطلع وحدها و مالازمش تطيبيه بزاف باش ما ييبش قيسما ينشف دقيقة برك يوجد
ارفديهم بالبابيي اللي يكون تحتهم ماشي بيدك
بارسكو لي طراس تاع اليدين يخليهم ما يطلعوش


خبز الباي







طلعي 4بيض مع قرصة ملح و فاني وكاس سكر
اومباعد زيديلهم نص كاس حليب ونص كاس زيت وخلطي
اومباعد زيدي 2 كيسان سميد متوسط وكاس نوادكوكو وكاس شابليير ومغرف كبيرة خميرة تاع الحلوى وخلطييهم غير بمغرف
و طيبيهم في سنيوة مدهونة بالزبدة ورشي وجها بالمكسرات اللي تحبي والا نوادكوكو
انا موالفة نديرها فلي غامكان الصغااار ونرشها بللوز ايفيلي ونرشقها بحبة سوغير كونفيت
كي تطيب وتحماار اسقيها بشاربااات تكون باردة.


كايك الشوكولا







دوبيي 130 غ مارغرين اومباعد خلطييها مع 100 غ سكر قلاصي
و دوبي 160غ شوكولا نوار مع 3مغارف والا 4 ماء و ماشي شرط تدوب الشوكولاا قاع المهم تولي طريية
و خلطيها مع المارغرين و السكر بالباتور
و زيديلهم 4 حباب بيض بيانسيير زيديهم بالحبة
اومباعد زيدي 70 غ مايزينة و50 غ فرينة وباكي خميرة يكونو مغربلين و خلطيهم تان بالباتور
و ادهني المول تاع الكايك مليييييييييييييييح بالمارغريين
و طيبي الكاايك تاعك ههه
الخليط مايكونش جاري بزااااااااف مي مايكووونش عاقد تان بزااف
ادا شفتيه جاري بزاااااااااااااااف زيدي مغرف والا زوج فرينة

خبز الشاورما



رطل فرينة و زوج مغارف خميرة و مغرف سكر و مغرف لحظة و زوج مغارف زيت و ملح وانا نزيد السانوج و زريعة البسباس و اعجنيها بالما دافي تولي عندك عجينة طريييييييييية خليها تخمر غير شوية برك اومباعد قرصيها و رمديها فالسميييد و حليها بيدك و زيدي خليهم يخمروو و طيبيهم في فور سخوون انا الفور نشعلو فوق و تحت

بعض الملاحظات

دخلت على الاستفساار تاع ام سراج وام ياسو الخبز تقدرو تطيبوه نورمال من تحت اومباعد تشعلولو من فوق باش يتحمر هدا ماكان
ام سراج انا ندير 750 غ فرينة يطيحولي 9 حبات و الحجم تاعم ملييييح يعني ماشي صغاااااااارسما رطل يطيحلك 5 والا 6 قرصات
و المغارف كاامل كبااار و الملح بيانسير عينك ميزانك
اييييه و نصيحة كي تحلوه حلوه رقيق و خلوه يخمر باش يجي خفيف و فارغ من داخل و ماشي معمر بالفتوت

كاب الكايك الشوكولا

إضغط هنا لرؤية الصورة بحجمها الطبيعي.

من جهة غربلي 160 غ فرينة مع مغرف كبيرة كاكاوو و من جهة وخدوخرا خلطيي 125 مارغارين بالباتور حتى تولي بييضة و زيديلها 175 سكر و شوية فاني وخلطييهم ملييييييييح وزيدي زوج حبات بيض حبة بحبة اومباعد زيدي نص خليط الفرينة و الكاكاو و خلطي مليييييييييييييييح بالفوييي اومباعدقرصة ملح و مغرف صغييرة خيرة تاع الحلوى اومباعد كملي خليط الفريينة ومع اللخر زيدي 100 ملل كرام فراش والا ياغورت انا ندير ياغورت و 60 ملل حليب و السر تاع هدا الماادلان ديري مغرف بيكاربونات وزيدي فوقهم مغرف خل رااح يتفاعلوو اومباعد زيديهم للخليط تاعك راح يولي عندك خليط كيما الموس

صابلي بمول السيليكون





المقادير:
500غ زبدة
1 كاس و نصف سكر ناعم
5 بيض
ملعقة عصير الليمون
م ك فانيلا
رطل مايزينة
1 خميرة الحلوى
فرينة
التحضير
نخلط الزبدة ونضيفلها السكر والبيض وعصير الليمون والفانيلا و ونشاء وخميرة الحلوى والفرينة
نعجن و نشكل كريات و نحطهم في مول السيليكون
دخليهم الفرن
في الوسط عمري بالجولي
وهدا مول السيليكون اللي خدمت بييه



بيسكوي رولي

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

طلعي 6 حبات بيض يكونو داففيين مع قرصة ملح وشوية فاني
طلعيهم ملييييييييييييييييييييييييييييييييييح
انا نخليهم 10 دقايق فالبيتران
كي يطلعالبيض زيدي 150 سكر
و كملي خلطي
و غربلي 150 فرينة زوج خطرات والا تلاتة
وادا حبيتي تديريه كحل كيما درتو نحي مغرف فرينة و عوضيها بالكاكاو
و زيدي الفرينة المغربلة للبيض على 3 دفعات وخلطي غير بلعقل
و ديريهم في سنيوة تكوني درتي فيها بابيي فيلم بيانسيير
و طيبيه
ماتطوليلوش الطياب اومباعد يتكسرلك
غيير قيسما ينشف كي تدخلي الموس يخرج ناشف
كي يطيب نحيه و حطيه على بابيي فيلم وحدوخر مرشوش بالسكر قلاصي
و رولييه بييه و زيدي روليه في طرششونة مندية و خليه شوية باش يشد لا فورم
اومباعد ديري 3 بوات ياغورت و شوية حليب وخليهم يبردو مليييييييييييييييييييييييييييييييييييييييييييييييي يييييييييييح
انا نخليهم حتى يديرو طبقة تاع جلييد
اومباعد ابداي تزيدي فالشونتي حتى تطلع مليييح و تجي عاقدة
الياغورت يعطيها بنة تهبببببببببببببببببببببببببببببببببببببببببببببببب ببببببببببببببببببل
خير من الحليب
حلي الرولي تاعك و اسقيه بشاربات باردة
و ادهنية بطبقة تاع شونتي و روليه
و غلفيه بالشونتي و شبحيه
كيما شفتي انا درتلو جوز مفتت لداخل
و رشقت حبات جوز على الاطراف
و درت خطوط بالشوكولا

بقلاوة بعجينة الفيلو
ا

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

ديري 5 كيلات فرينة مغربلة انا درت سنيوة شوية صغيرة ماشي كبيرة سما درت كاس تاع قهوة مع 3 مغارف كبار لحظة و حبة بيض و نص كيلة سمن دايبة و لمي كللللش بالما مخلط بالماء زهر حتى تولي عندك عجينة طريية اقسميها على 12مورصو يكونو صغاار ماشي كباار و خليها تريح
في هداالوقت وجدي الحشو انا درت 3 كيلات جوز مع نص كيلة سكر و فاني و لمي بالما زهر يولي عندك خليط ماشي حاكم روحو
ولي للعجينة تاعك للطبقة التحتانة اخدمي ب 6 مورصوات تاع العجينة حليهم كامل فالرقم 2 مور ما تكوني رشيتهم بشوية نشا اومباعد حليهم فالرقم 4 اومباعد 6 اومباعد 7
كي تلحقي للرقم 7 ولي كل شريط رشيه بالنشا واطويه على زوج و زيديي رشييه بالنشا و كملي سما يولو عندك 6 شرايط ملويين على زوج سما 12 طبقة حلييهم مليييييييييييييح بالحلال و حطيهم في سنيوة مدهونة بالسمن وديري فوقها الحشو و كملي ديري الطبقة الفوقانية بالعجينة اللي قعدتلك بنفس الطرييقة
اسقسيها بالسمن دايب قطعيها كي تقطعيهم غطسي راس الموس فالسمن وقطعي و شبحيها كيما تحبي وزيدي اسقيهابالسمن بارسكو هو اللي يخليها تتورق
و الطياب اناطيبتها على 200 درجة كي بدات تحمار غطيتها و نقست للفور حتى طابت مليييح وعاودت عريتها و خليتها تتحمر
و كنت موجدة العسل وهده طريقة مااما اسهل منها ما كاش ديري 5 كيسان سكر وكاس ماء و شقفة قارص وخليهم يغلو كي يولي لونهم دهبييي كيما تحبيه و طفي النار و نحي القارص و زيدي كاس ما وحدوخر و حركي مي بالاااااااكي يقيسك بارسكو يطيييييير بزااف

وهده صورة العسل

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

بطبوط

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

ديري كيلة سميد و كيلة فرينة و زوج مغارف خميرة و مغرف سكر و مغرف زيت و ملح و لمي بالما دافي و اعجنيه شوية ماشي بزاااااااااااااف كيما المطلوع تاع السميد و خليه يريح شوية اومباعد حليه شوية بالفرينة و قطعيه دواير ما يكونوش خشان والا تقدري العجينة تقسميها كريات صغار و تحليهم بيدك انا روماركيت اللي درتلهم هكا طلعو كتر من اللي قطعتهم غطيهم و خليهم يخمرو كي يخمرو سخني مقلاة تقييييلة كي تسخن مليح نقصي للنار و طيبيهم على زوج وجوه مليييح و النار تكون قليلة اوكي باش يطيبوو
وتحشيهم باش تحبي انا درت فرماج و بطاطا و بيض و كاشير و شلاضة و طوماطيش و مايونييز و بصحتتتتتتتتتتتتتتتتتك .

مشكووووووووووورة ابدعت

العفووووووووووووووو