طبق المعكرونة

عندي اليوم معكرونه
لما تسألي الاطفال شو نطبخ اليوم اول خيار بكون معكرونه الله وكيلكم الكل بحبها
وعلى شان ما نغلبهم باللحمه والدجاج قطع كبيره سهلناها



المقادير

1 باكيت معكرونه
2 كاس عصير بندوره طازج
2 ملعقه رب البندوره
نصف كيلو لحمه مفرومه انا خلطت لحم عجل بلحم الخروف
1 بصله
2 كاس مرق لحم او دجاج انا استعملت مرق اللحم منكه بورق الغار والبصل
3 ملاعق كبار جبنة بارمزان مبشوره
ملح+فلفل اسود+قليل من البهار
1 ملعقه زغيره زبده
الطريقه

نضع على النار ماء مع ملح وملعقة زيت ونسلق المعكرونه
نصفيها من الماء ونضع عليها ملعقه صغيره زبده على شان ما تلصق ببعض ورشة فلفل اسود



نذبل البصله في ملعقه زغيره زيت مازولا ونضيف عليها اللحم المفروم ونقلبه مع ملح وفلفل وبهار

ونضيفها على المعكرونه




نحرك الكل معاً

نضع على النار شوربة اللحمه والبندوره ورب البندوره ونغليها معاً ثم نضيفها على المعكرونه



نخلطها جيدا ونرش الجبنه على الوش
ندخلها الفرن حتى تتسبك مع بعض ونحمر الوش قليلا



وهيك بنقدمها